Familja Kryeziu eshte nder me te shquarat nga qyteti i Gjakoves, ku kane qene sundimtare ne periudhen osmane, me pas pjese e shtreses udheheqese ne Shqiperi dhe Kosove deri ne Luften e Dyte Boterore. Per prejardhjen e tyre ka pasur hipoteza te ndryshme qe e lidhin me Kryeziun e Pukes sipas mbiemrit, ose me fiset Bytyc ose Gash.
Familja e testuar rrjedh nga ky trung. Rezultati i takon vijes aterore I1-M253>Z63>Y16437>Y60985>BY105294, qe permbledh kryesisht vellazeri te fiseve Kabash, Qerret, Kcire ne Puke si dhe Kabash, Kryezi dhe Bytyc ne Kosove. Prejardhja e larget e kesaj dege lidhet me fiset gjermanike ne Europen veriore e qendrore, qe me gjase u vendosen ne Ballkan ne Antikitetin e vone.
Mes rezultateve me rezolucion te larte, familja Kryeziu ka nje lidhje te larget, mbi 600-vjecare, me Kabashin, kurse pak me afer lidhet me Qerretin dhe Kciren (dy fiset e fundit jane me te aferta mes tyre). Duket qarte se keto fise ishin ne zonen e Pukes te pakten qe ne Mesjete. Ne Kosove ka edhe familje te tjera me mbiemer Kryeziu nen I1-Y60985, nga Llapusha, Ferizaji, Prishtina, etj. Me shume gjase keto familje kane te njejten nendege si Kryezinjte e Gjakoves, por kjo do te mund te dallohet kur ndonje prej tyre te testohet me rezolucion te larte.
Ky rezultat percakton prejardhjen e familjes Kryeziu diku ne Puke, ku mbetet e hapur mundesia e fshatit Kryezi. Persa i takon fisit, nuk kane lidhje me fiset Bytyc e Gash ne Malesi te Gjakoves. Nje lidhje e larget ekziston me Qerretin e Pukes, ku ka edhe familje te fisit Bytyc, nje pjese prej ketyre kane levizur shekujt e fundit drejt fshatrave ne periferi te Gjakoves.
